My laaste inskrywing in my waterreeks, in opdrag van Scrapydo. In November, 2013, het hierdie dinge gebeur en dis oorspronklik gepubliseer op die 17e November 2013.
Pietsrivier… Brandrivier… Kangarivier… Grootrivier…Touwrivier… Alles name wat ek nie geken het nie. Almal van kant tot wal vol. Al wat sloot is, loop. Al wat waterval is, val. Elke klofie, plekke waar jy nie eers geweet het water kan loop nie, loop. Wat ‘n gesig!
Ons het in die jaar ‘n plaas aangekoop langs die oewer van ‘n rivier, wat nou in vloed is. Genadiglik binne beheer, sonder onnodige skade. Dit was egter noodsaaklik dat ons aan die ander kant van die rivier kom, en daar is nie ‘n manier wat jy OOR die rivier sal kom nie. Mense wat weet, raai ons aan: “Vat die agterpad”…
Twee dinge van my man is vandag weer bevestig: As hy ‘n ding wil doen, WIL hy, en sal NIKS hom stuit nie; en hy het ‘n ingeboude kompas soos ‘n mier sal wens om te hê.
Ons het die “agterpad” gevat, sonder selfoonsein, sonder dat ons nog ooit daar gery het. Dit, terwyl daar soms ‘n vurk in die pad was… deur strome water, deur ‘n rivier waarvan die laagwaterbrug weggespoel het, af by steil bulte, weer opgebeur, soms teen 5 km per uur, deur die mooiste Klein Karoo veld en koppetjies, ‘n pad wat jy beslis nie elke tweede week sal ry nie, met die mooiste uitkykpunte oor damme en riviere. Rooi hartebeeste… gemsbokke… ‘n springbok wat voor ons in die paadjie hardloop. Dit raak ‘n avontuur.
Ons hét uitgekom waar ons moes, hier ‘n sloot gered, daar iets anders gedoen, en dieselfde veldpaadjie teruggebeur…
Groete,
sopnattoorts
Toortsie se faceboekblad.
sowat van water! ek sien julle is regte waaghalse. Bly daar is nie skade nie
LikeLike
Gelukkig vir daardie ingeboude kompas! Sjoe, sterkte met al die oorstromings ens – ons lees hierdie kant van al die drama in die Wes-Kaap! Swem Jannie, swem!!
LikeLike
Ja, hier is regtig mense wat erg deurloop. Ons kan net met dank getuig dat ons dit nie so erg getref het nie.
LikeLike
Het nie tv nie, en lees nie koerant nie; het dus net so vaagweg van ‘n vloed gehoor…. maar niks gesien nie. Dankie vir die fotos…. en natuurlik baie bly julle is ongedeerd weer op droë grond. Wat is die lewe sonder ‘n avontuur hier en daar ingegooi 🙂
LikeLike
Oeeee jy moet kyk. In Somerset Wes en die Strand het mense behoorlik geswem. Die Vergelegen Medi Clinic moes ontruim word. Sies tog!
LikeLike
Nou waar kyk ek as daar nie ‘n tv op hierdie erf is nie 😦 Sowaar nie besef dit is sooooo erg nie!!! Weet nie waar presies dit oral gereën het nie…. maar as Augrabies in vloed is sal ek wat gee om te gaan kyk…..
LikeLike
Ek het ook baie gemis omdat ek ook nie TV kyk nie. Maar gelukkig is daar ‘n FACEBOOK. 🙂 Jy het seker nie Kapenaars as fb vriende nie, behalwe ek?
LikeLike
En MaanKind, maar sy praat net oor die vloed…. dit vloed seker nie waar sy is nie.
LikeLike
Laat ek DADELIK ‘n klompie foto’s gaan soek by die ander fb maatjies en jou tag!! 🙂
LikeLike
Sjoe, bly julle het veilig uit die “uitstappie” gekom! Hoop die reën is goed vir julle.
LikeLike
Ons oes nog so ons verkies eintlik droë weer. Maar hierdie reën sorg nou weer vir goeie weiding in die somer wat ook baie welkom is. Reen is gewoonlik meer goed as sleg.
LikeLike
Ek dink darem nie ons was ooit in lewensgevaar nie.
LikeLike
Wat n avontuur!
LikeLike
Ja. Dit was regtig. Sulke tye moet jy nie op jou senuwees wees nie, net die oomblik geniet.
LikeLike
Sjoe,klink woes!En ‘n paar jaar later wens ons vir bietjie nattigheid.Dit wys net,die natuur doen wat hy wil,wanneer hy wil!
LikeLike
Absoluut. Die een oomblik is dit droog, die volgende vloed dit
LikeLiked by 1 person