Pakki-ini-pos

Dit lyk my die jaar begin sommer met “tag”-speletjies, maar dis lekker. Maar hierdie een werk anders en ek het dit nie uitgedink nie!! Dit werk so – ek gaan jou nie “tag” nie… nee…. JY gaan JOUSELF “tag”. Want dis hoe Son dit begin het en ek het myself daar getag. Jy sal nou lees hoe dit verder werk, indien jy nog nie daar by Son gelees het nie. Sy het dit weer hier gesien…

As jy graag ‘n geskenkie in die pos wil kry, iets wat handgemaak is, dan is jy nou op die regte plek! Want sien, die eerste vyf (5) persone wat hieronder kommentaar lewer, gaan ek kontak…. en (hopelik) voor die einde van Januarie pos ek vir julle iets wat ek self gemaak het. O gits, dalk is dit iets wat iemand anders self gemaak het… ons sal nog sien wat dit gaan wees. Jy hoef nie jou adres in die kommentaar te skryf nie, maar maak asb seker dat die epos-adres JOUNE is. Ek sal jou daarop kontak en jou pos-adres kry.

Maar….. as jy een van die eerste vyf is, en jy gaan ‘n pakkie by my kry, speel jy outomaties saam. Dan moet jy ook so ‘n belofte maak en uitvoer. As jy ‘n blog het, doen jy dit natuurlik op jou blog. Vir my Facebook-maatjies…. daar is niks wat jou keer om dit op facebook te doen nie!! Daar is ook geen beperking nie. As jy voel om die geskenkie vir meer as vyf mense te stuur, stel jy dit so in jou belofte. So maklik soos dit. Onthou, hierdie belofte mag nie gebreek word nie. En ek sal darem graag wil hoor as jy dit gedoen het!

Dankie Son, dit was nou ‘n oulike idee!!